Mecanismos con forma de robots

 Traballando en pequenos grupos, en 4º ESO construíron estos mecanismos con forma de robots cun circuito eléctrico que lles permite desplazarse lentamente.

Probamos a editar co croma para presentalos e quedounos así de ben😅:

Estruturas resistentes.

 En 1º ESO, aproveitando os coñecementos sobre os elementos das estructuras e os esforzos que soportan, e o aprendido sobre técnicas de construcción, os alumnos e alumnas construíron en grupos de catro, estructuras que resisten máis de 70 kg so empregando perfis de papel unidos con cola. quedando claro así a importancia non so do material, senón tamén da súa colocación para o reparto correcto de forzas.

Visitamos as instalacións da CRTVG e do CESGA, e os tellados da catedral de Santiago.

 O departamento de tecnoloxía organizou a visita guiada, o 18 de decembro, das instalacións da radio e da televisión de Galicia, a visita terminou cunha gran sorpresa para todos, pois veu a saludarnos o presentador estrela da TVG, O señor Galloso, que estivo moi atento con todos e prestouse a sacar unha foto de recordo que tanta  ilusión lle facía ao alumnado para ensinarlles á familia.

Tamén visitamos o Centro de Supercomputación de Galicia, onde nos sorprendeu o custe que teñen de enerxía ao ano, uns 800.000 € e que non dispoñan dunha bomba de calor para aproveitar a enerxía xeotérmica. Tamén nos informaron da cantidade de traballos que fan para moitas empresas cos seus ordenadores de alta velocidade. a súa labor consiste en "Promover e participar na elaboración de proxectos de investigación e desarrollo tecnolóxico. Proporcionar capacidade de cálculo, comunicacións e soporte técnico aos seus usuarios mediante o equipamento dispoñible na Fundación."

Nesta foto, vese parte do cableado do sistema de refrixeración que precisan para semellantes equipos:

E subimos aos tellados da catedral....chovendo moito!!..

Pezas decorativas de Nadal coa cortadora láser

 Emprego da cortadora láser, que chegou este ano enviada pola Xunta para a aula Recuncho Creativo, material de Polos Creativos, para cortar e grabar diferentes estrelas e copos de neve e así decorar aulas e portas.

A importancia da igualdade nos postos de traballo da tecnoloxía dixital.

  O 25 de novembro é o Día  Internacional da Eliminación da Violencia contra as Mulleres, así que nas clases de tecnoloxía DE 1º E.S.O. da semana pasada, buscamos información sobre a dicriminación que houbo hacia a muller na tecnoloxía dixital e que aínda perdura nos libros e na sociedade actual polo que a Unesco e as escolas de enxeñería informática, así coma as grandes compañías apostan pola diversidade nos postos de traballo para que os productos no mercado cheguen a toda a sociedade e sexan de maior calidade e utilidade, dándose conta de que a discriminación non recoñecida se aplica nos algoritmos das aplicación informáticas e nos resultados da intelixencia artificial.

O alumnado fixo un cartel en canva (software creado pola australiana Melanie Perkins, neste enlace a súa historia https://www.youtube.com/watch?v=UaAYCN0TN98) de xeito individual ou colectivo en grupos de dous para expoñer no colexio, no que se recoñece o traballo feito polas mulleres neste sector.

O resultado:

Algunhos exemplos de carteis feitos polo alumnado:

Nanotecnoloxía no museo Muncyt

 1° E.S.O. realizou unha visita guiada polos inventos do Muncyt, explicándolles por exemplo o funcionamento do anterior faro da Torre de Hércules( engranaxes ) e o seu código de luces(4 luces por segundo) e a distancia que alcanza(40km), antes de ir ao museo tamén visitamos a torre. E tamén, no museo, realizouse un obradoiro para entender os materiais creados con nanopartículas e as súas aplicacións na medicina e na industria. Fixeron unhas reaccións químicas para separar a materia en pequenas esferas.  Algunhas fotos do dia:

Concurso galego de programación de robots e biomímesis no museo Muncyt.

 O 24 de outubro o alumnado de 4º ESO participou no concurso galego de robótica organizado por Igaciencia en A Coruña, cos robots Lego, como os que programamos no taller de tecnoloxía nas clases.

 O alumnado programou os robots para resolver varios retos, aprendendo, así,  a organizarse en grupos e a facer algoritmos exitosos, desarrollando o pensamento computacional, a creatividade e a resolución de problemas. 

O organismo organizador resaltou a boa actitude do noso alumnado.

E tamén visitamos o museo de tecnoloxía Muncyt, facendo por grupos un xogo con preguntas sobre a biomímesis dalgúns inventos expostos e moi ben explicados polo guía do museo, Daniel, que tamén resaltou a boa actitude do grupo.

Inducción electromagnética: transmitimos enerxía de forma inalámbrica.

 En 2º E.S.O. construímos dous bobinas, unha conectada a un led e a outra conectada á pila. Facemos o proxecto en grupos de 4 persoas.

 

Encenderemos o led sen conectalo a unha pila, farémolo ao acercalo á bobina da pila, pois por ela ao circular a corrente eléctrica, xenerarase un campo magnético arredor. 

Colocaremos un transistor conectado para que aumente a corrente eléctrica, así o campo magnético tamén será maior e cando aproximemos a bobina do led, fará que os electróns de esa bobina comencen a moverse, xenerando unha CORRENTE ELÉCTRICA INDUCIDA e o led dará luz.

Cantas máis voltas ou espiras teña a bobina, máis campo magnético xenerarase ao circular a corrente eléctrica pola bobina. Na bobina conectada á pila daremos 10 voltas, sen cortar o fío de cobre, faremos un bucle de 5 cm de largo e daremos 15 voltas máis. A bobina que vai ao led é máis doado facela, pois so leva 25 voltas.

Robótica en 4º ESO cos robots LEGO Mindstorms EV3

 Comezamos coa robótica en outubro para ir o día 24 deste mes ao concurso galego de robótica que organiza Igaciencia en A Coruña: " A Maxia da Robótica"

Alguns retos programados e superados cos cinco robots que temos no taller:

 

CURSO 2024/25 A TECNOLOXÍA AO LONGO DA HISTORIA

 En 4º ESO fixeron , logo de dar o tema na clase, estos traballos para expoñer na entrada do cole:

Fixéronnos en grupos de catro no taller de tecnoloxía.

DETALLE: